Jo aksar poocha jaata hai.

Starter 5 din, Business 7 din, Pro 10-14 din — jis din aapka content aur advance dono mil jaate hain, us din se ginti shuru. Late hue aur galti humari hui to 10% kam aur ek mahina care plan free.

Aapke naam aur aapki email pe. Login aapko milta hai. Kal aap kisi aur ke paas jaana chaho to site aur domain dono aapke saath jaate hain — humse poochna nahi padega.

Chalani nahi padegi. Site apne aap chalti hai. Kuch badalna ho — price, photo, timing — to WhatsApp pe message kar dijiye, care plan mein usi din ho jaata hai. Chahiye to ek chhota panel bhi de dete hain jisme phone se hi edit kar sakte ho, aur uska 5 minute ka Hindi video milta hai.

50% kaam shuru karte waqt, 50% site live hone se pehle. UPI, bank transfer ya Razorpay link — jo aasaan lage. Har payment pe invoice milta hai. Build shuru hone se pehle mann badle to advance poora wapas.

Haan. Poora kaam WhatsApp aur call pe hota hai, isliye aap Khargone mein ho ya Chennai mein — koi farak nahi padta. Indore mein ho aur milna chaho to mil sakte hain.

Iska guarantee koi nahi de sakta, aur jo deta hai woh jhoot bol raha hai — Google ka algorithm kisi ke haath mein nahi hai. Hum yeh karte hain: site technically saaf, Business Profile poora, content sahi keyword pe, aur review ka system. Local searches mein isse aksar 2-3 mahine mein farak dikhta hai. Har mahine report bhejte hain, achhi ho ya buri.

48 ghante mein preview aata hai, tabhi bataiye. Do round ke revision included hain. Phir bhi baat na bane to advance wapas, koi bahas nahi. Aaj tak aisa do baar hua hai aur dono baar paisa usi din wapas gaya.

Pehle free mein dekh kar batate hain ki theek karna sasta padega ya nayi banana. Aksar 4-5 saal purani site mein nayi banana hi sasta hota hai, kyunki purane code ko theek karne mein zyada waqt lagta hai. Agar theek ho sakti hai to seedha bol dete hain — bina kaam ke paisa nahi lete.