Google Business Profile 20 minute mein sahi karo
Zyada tar local business ka profile aadha bhara hota hai. Yeh chhe cheezein theek kar lo, Maps pe farak dikhega.
Agar aapki dukaan Google Maps pe hai par enquiry nahi aa rahi, to problem website se pehle profile mein hai. Maps ka ranking bahut hadd tak isi pe chalta hai ki aapka profile kitna poora aur kitna active hai.
Category sabse important hai
Primary category ek hi chuniye aur wahi jo aap sach mein karte ho. "Dentist" aur "Dental clinic" alag results dete hain. Galat category chuni to aap us search mein aayenge hi nahi jisme aana chahiye.
Photo kam se kam 20
Bahar ka board, andar ka view, staff, aur kaam ki photos. Google un profiles ko upar rakhta hai jinme naye photo aate rehte hain. Mahine mein 2-3 photo daalte raho, bas.
Timing aur holiday
Special holiday hours zaroor bhariye. Diwali pe band ho aur profile khula dikhaye, to customer aakar wapas jaata hai aur ek star chhod deta hai.
Review maangna seekho
Google ka short review link banaiye aur customer ke jaate hi WhatsApp pe bhej dijiye. Do din baad koi review nahi likhta. Hafte mein 2 review bhi kaafi hain agar consistent ho.
Har review ka jawab
Achhe ka bhi, bure ka bhi. Bure review pe safai mat dijiye — maaniye, aur solution likhiye. Padhne wala aapka jawab dekh raha hai, review nahi.
Website link
Profile mein website ka link daaliye. Bina site ke profile bhi chalta hai, par site ke saath conversion kaafi behtar hota hai — kyunki customer confirm karna chahta hai ki aap asli ho.
Yeh sab khud karne ka time nahi?
Hum kar dete hain. 7 din, fixed price.