Website chahiye ya Instagram kaafi hai?
Dono ka kaam alag hai. Instagram dhoondhne mein madad karta hai, website bharosa deti hai. Seedha jawab andar.
Sabse zyada yeh sawaal aata hai. Seedha jawab: Instagram naye log tak pahunchne ke liye hai, website unhe customer banane ke liye. Ek doosre ki jagah nahi le sakte.
Instagram kahan achha hai
Roz ka kaam dikhane mein, naye log tak pahunchne mein, aur jahan visual hi product hai — salon, bakery, boutique. Free hai aur turant shuru ho jaata hai.
Instagram kahan fail hota hai
Koi "Palasia mein dentist" Google pe dhoondhta hai, Instagram pe nahi. Aapka page search results mein aata hi nahi. Aur account kal band ho gaya to 4 saal ki mehnat gayi — woh platform aapka nahi hai.
Website kya karti hai
Google pe milna, price aur timing ek jagah rakhna, form aur booking, aur ek link jo aap kahin bhi bhej sako. Sabse badi baat — bharosa. Ek dhang ki site batati hai ki business asli hai.
To karein kya
Dono. Instagram pe roz post kariye, bio mein site ka link rakhiye. Site pe Instagram feed dikhaiye. Jo Instagram se aaya woh site pe confirm karega, jo Google se aaya woh Instagram pe aapka kaam dekhega.
Yeh sab khud karne ka time nahi?
Hum kar dete hain. 7 din, fixed price.